Unha pequena Ewok

Á pequerrecha gustanlle os gorros, pero sempre acaban polo chan. Ademais, non sempre tapan o colo, e no inverno e vivindo nunha cidade como Compostela -húmidade + choiva perenne- faise necesario un complemento que tape esa entrada ás costas. Así que pensando e buscando atopei os deseños de The Velvet Acorn, e este é o resultado. Ela os remata cunhas orelliñas laterais, pero nesta ocasión decidín prescindir delas. Pero... xa fixen outra capucha para un agasallo de 12 meses coas súas orelliñas ;)

Día Do Barrio 2012

 Este ano, por vez primeira, no Barrio celebrouse o "Día do Barrio". Unha xornada adicada a coñecer e participar activamente no acondicionamento das rúas polas que transitamos, vivimos e disfrutamos cada día. 

Observar e definir as milloras precisas, promover un barrio mais sostible e vivible, coa participación directa da veciñanza.

Actividades de re-sinalización das rúas,  convivencia, movilidade, espazos verdes, sociabilidade.....

(Unha pena que o tempo non acompañase, e augase a festa de xogos infantís)

 pero sobre todo... un Barrio Bonito!

A primeira mostra de UrbanKnitting do barrio

 O Buzón de San Pedro, dando a benvida a todas as visitantes. Creado polo grupo de tecedoras da tenda de Merche. A tenda de lás e labores do barrio.

Veciñas e Veciños adornando os tan terribles bolardos das rúas

Pero que bonita a Rúa 

Unha das nosas cabezudas, feita pola compi Diana. E neste momento estaba aprendendo a ganchillar!!!

Leo de Como Pez en el Agua, enchendo de peixiños a beirarúa.

Pulpitos molones

Bolardito: Unha das miñas aportacións. O que me custou que a pequecha quixera poñelo no seu novo fogar

E aquí a pequecha disfrutando da experiencia de ver un barrio cheo de colorido. Falando e bailando con Mafalda, saída das habilidosas mans da nosa querida veciña Susana